ورق ملوخية
لحمة شقف مسلوقة او دجاج مسلوق
كزبرة خضراء
كزبرة يابسة
ثوم
صنوبر
فليفلة شطة
الطريقة
اذا كانت يابسة بتنعقيها في الماء العادي لحد ما ترجع اوراق الملوخية لحالتها الطبيعية بعد ذالك
يتم غسلها
الغسل بدك تكوني ناعقتيها بشيئ كبير حتى تفرد اوراقها على طبيعتها تاخذي كمية بين يديك وتعصريه لتشكل كور من اجل ان تصفى كل الماء
بس لازم تتاكدي انها رجعت لحالتها الطبيعية لانه اذا كانت لازالت يابسة بتتكسر وبتصير ناعمة
ونحنا بدنا ياها ورق تبقى
المهم بعد ان غسلناها تقريبا اربع مرات حسب المي اللي بتخرج منها نظيفة او لاء
بعدين بتجيبي معلقة سمن بتحطيها في الطنجرة وتاخذي كمية من الملوخية وتقلبيهم بالسمن تقليب لحد ما تلاقيها تقريبا كمشت كل ورقة على حالها بس ديري بالك ما تنحرق
بتشيليهم وبتاخذي غيرهم ونفس الشيئ بتعمليه الى ان تنتهي كل كمية الملوخيةاللي عندك
بعدين بتحطيهم في طنجرة الطبخ بتسكبي عليها مرقة اللحم او الدجاج لتغمرها
وبتغطيها لتاخذ كل كمية الماء وتفرد الورقة من ثاني
بترشي عليها الكزبرة اليابسة كثريهم لان الكزبرة هي اللي بتجيب الطعم تبعها
بتحطي كمان شوية مرقة دجاج
بهذا الاثناء بتكوني مقشرة شي راس ثوم بدقي شوي مع الكزبرة الخضراء وبتتركيهم على جنب
والباقي بتخليه صحيح بتقليه شوي يعني ليزهر مع الصنوبر وبتحطيهم فوقها
مع رشة الفليفة الحمراء الشطة وطبعا بتركزي البهار والملح بس اذا كانت مرقة اللحم او الدجاج مبهرة ومملحة ما في داعي تضعي مرة ثانية
وعندما تلاقي المرقة قربت تنشف بتحطي الكزبرة الخضراء والثوم المدقوق المقلايين شويوبتخلطيهم معها واطفئي الغاز
وضعيها في صحن التقديم وعلى الوجه ضعي اللحم او الدجاج وشوية صنوبر
والف عوافي وتقدم بجانبها رز مفلفل بس انا بحب معها الفريكة
ولكم مني الف تحية
مرحبا
يسلمو ايديك على الملوخية بس اذا عندك فكرة عن الملوخية الناعمة اليابسة لاني احترت بامرها كل انواع الملوخيةالورق اليابسة والخضرا الناعمة الخضرا باللحمة او بالدجاج بتطلع معي روعة الا الناعمة اليابسة ما كنت اعرف اظبط طعمها
فيا ريت اذا عندك خلفية عنها فلا تتاخري
وشــــــكرا
شكرا عزيزتي
بس بالنسبة للملوخية الناعمة ما بعرف طريقتها هي تخصص اخواتنا الفلسطينيات والمصريات انشاء الله شي واحدة بتكتب طريقتها لك
شكرا على الاهتمام وكثر الله خيركم
اختي shaier الله يسلمك انت احلى وشكرا لك
عزيزتي كاميليا انشاء الله بتلاقي طلبك
اما انت يا سارة
نحنا متفقين يعني عن جد اطيب من الملوخية مافي ومنشان الطبخة غالي والطلب رخيص
لك تكرمي
يسلموا ايديك علي هالطبق اللي بشهي والله ما يحرمنا منك يا رب ولك الف تحيه
وعلي فكره الباحث ما عم بشتغل اخذت كل مواضيعك وقعدت ادور لما راحت عينيي
يا ست استرلاس
ليه كنت عم تدوري كنت احكي كنت اعطيتك ياها بسهولة عزيزتي يافا
ياسلاااااااااام يمممممممممممممممممي
الله يعطيك العافيةياأم وسيم تسلمين على الملوخية لذييييييييييييييذة
من زماااااااااااااااااان وانا ودي اعرف طريقتها لاني اكلتها عند وحدة وبالمرة عجبتني ممممممممم
مشكوووووووووورة