الوسم: الملوخيه

انا بجيب الملوخيه متقطفه او بقطفها على حسب ….وبغسلها…وبنشرها على ورق جرايد لحد ماتنشف من ميتها ..مش الورق ينشف ويبئى خشن لاء وده اهم حاجه..يادوبك تروح الميه من على ورق الملوخيه……المهم اخرط الملوخيه كويس …تكون الشربه على النار وساعات لما بيكون مفيش شربه بعمل شربه ماجى …المهم تكون سخنه شويه مش مغليه وتكون دلعه مش مملحه قوى يعنى الملح مش باين فيها ….انا بجيب كيس بلاستيك واحط فيه نص كيلو ملوخيه من المتخرطه واحط عليه مغرفه شوربه واحده ..حتلاقوها عامله زى العجينه مش مهم …اقفلو الكيس وسيبوه يهدى شويه ويكون دفى وعلى الفريزر عدل …انا بخزن طبعا كذا كيس ودايما عندى ملوخيه خضرا صيف شتا وطعمها يجنن……
نييجى للمهم لما تيجو تعملوها وتطلعوها من الفريزر طريقه عملها….
1 تحطو مغرفه شوربه واحده فى الحله وتسخنوها على النار
2 بعد ماتسخن الشربه تحط كيس الملوخيه وهو مجمد علشان ميسودش
3 نقلب على نار هاديه ومنخليش الملوخيه تغلى
4 نزود الشربه على الملوخيه لو لقيناها تقيله حبه حبه لحد مانوصل للحجم المطلوب
5 نحط عليها لما تسخن التوم المدقوق والكسبره الناشفه المتحمصين فى السمنه وكلو احلى ملوخيه

كتبت بواسطة أم مــــالــــك

الف شكر حبيبتي على الطريقه

انا بحبها مفرزه

بس زوجي والاولاد بكلوها ناشفه بس

بس يجي وقتها ان شاء الله بعمل طبختين ليه واحطهم بالفريزه

جربيها ام مالك حتعجبك كتير ان شاء الله..وحتعجبهم كمان…والف هنا على قلوبهم

وجارى التجربة

كتبت بواسطة noorelhoda

تسلمى حبيبتى على طريقتك ان شاء الله اجربها
بارك الله فيكى

جربيها ان شاء الله تعجبك

كتبت بواسطة ymk201780

تسلمى على الطريقة

وجارى التجربة

هههه حلوه جارى التجربه بتفكرنى ب….الا سلكى …حول

كيفكم ياخوات انا كل ماصلح الملوخيه المثلجه ماتضبط معاي طعمهاموحلو والملوخيه تنفصل عن الماء انجدوني بطريقه الله يجزاكم خير

دايما مشكلة الملوخية المثلجة انها تنفصل عن الماء …. لكن في نقاط لازم تتجنبيهم اثناء طهي الملوخية حتى لا تنفصل منك … تابعيني ..
– لا تقومي ابدا بغلي الملوخية … يعني لما تضعيها في الماء لا تغليها وتجعليها تبقلل ( يعني لا تعمل فقاعات )
– لا تزيدي الكزبرة في التقلية
– الملوخية بايتة دايما تنفصل … يعني بس هي تتاكل صابحة في نفس اليوم … لانها لما تبات تنفصل عن الماء …

على العموم يمكنك زيارة الرابط التالي واستمتعي بالطريقة وحاولي تجربتها …

http://www.lakii.com/vb/showthread.php?t=199428&page=2

اهل زوجى يحبون الملوخية ناعمة جدا و كل طبخة ملوخية يخزنون نصفها كما يلى:

اولا نفرمها فى ست البيت و لكن لا نتركها تنعم كثيرا لكى لا تتعجن ثم نكمل فرمها بمخرطة الملوخية حتى تصل للنعومة المطلوبة .
نكون قد جهزنا شوربة الدجاج او اللحم نطبخ نصف الكمية للغداء و نضع فى وعاء نصف الكمية المتبقبية من الملوخية و نضيف اليها القليل من ماء السلق فقط الكمية التى تجعل الملوخية تكون كثيفة جدا و لكن رطبة نتركها عندما تبرد تماما ثم نضعها فى حفاظة بلاستيك و نحكم اغلاقها و نضعها فى الفريزر.
فى الشتاء نخرج الحفاظة من الفريزر و نسلق الدجاج او اللحم و نفرغ محتويات الحفاظة فى طنجرة و عندما تذوب نضعها على النار ونضيف اليها الكمية المناسبة من ماء السلق و فى النهاية نقلى الثوم و نضيفه الى الملوخية .

الطريقة الاخرى لحفظ الملوخية :

تنقى اوراق الملوخية و تغسل جيدا بالماء نضع طنجرة على النار بها ماء و نتركها حتى تغلى ثم نبدا بتغطيس الملوخية فى الماء المغلى لبضع ثوانى ثم نخرجها مباشرة و نضعها فى ماء بارد ثم نصفيها و نحفظها فى اكياس فى الفريزر اذا احببت ممكن طبخها ورق و اذا اردت ان تكون ناعمة ضعيها فى ست البيت و هى مثلجة بعد اخراجها من الفريزر مباشرة و افرميها و ارميها فى ماء السلق بهذ الطريق تبقى ايضا الملوخية خضراء.

بصراحة لم اسمع هذا الخبر مع انى اشاهد الاخبار فى القناة

ولكن ليه الملوخية بالذات والملوخية بتتزرع وسط الدرة وكمان مع خضروات اخرى

انا مخزنة ملوخية كتير تكفينى حتى زراعتها فى شهر مارس من العام القادم

فاكيد دى معلومة غير صحيحة حتى ولو بثتها القناة

زى الذره و غيرها .. انا افتكر اننا كنا بننضف ملوخيه الصيف اللى فات دا .. وكانت فيها سريس (نوع م الخضروات زى الجرجير والحاجات دى )
ودى تقريبا صورته بس هنا ف مصر طويل شويه ..وورقته ارق من دى

.. وبشوفها مزروعه ف الاراضى كمان ..يعنى الميه اللى بتتسقى بيها ميه عاديه خالص

اكيد دى معلومه غلط مليون فالميه اختى .. متقلقيش

وحتى عشان تبقى مش قلقانه .. الحاجات اللى بيتم تصديرها للخارج بتبقى نضيفه جدا وكويسه اوى اوى اوى .. يعنى كليها انتى واولادك وانتوا متطمنين

تحياتى لكِ

شعار₪موضوع متميز₪ فرخه محمره محشيه فريك ورز بالبصل والكبده وملوخيه بالصور

سر من اسرار العائله و لكنكن حبيباتى سازيح عنه الستار

الملوخيه البورانى

و الملوخيه البورانى هى طريقه مختلفه تماما عن طريقه الملوخيه الشاميه و المصريه
تحتوى على لحم مفروم ( مش عايزه حد يقول يع ايه العك ده ) اسمعوا للاخر يا بنات

1 -يقطف ورق الملوخيه الطازجه ثم يجفف جيدا بعد تعريضه للهواء المباشر ( بالطبع دى نخله بس بما ان هنا مفيش ملوخيه حبيت ادلع الوصفه و الون اخضر و بتاع !
1 – بعد ان تجف الملوخيه يتم وضع زيت بالطنجره ( حوالى نصف كوب ) ثم تضاف اليه الوريقات و تترك على نار هادئه مع التقليب المستم و احرصى على ان لا تحترق و تابعى التقليب الى ان تحصلى على ورق جاف جدا شبه مطحون ( و هذه العمليه تتم مره واحده فى السنه و يمكنك ان تحتفظى بالملوخيه فى اكياس بلاستيك محكمه الغلق لاكثر من 9 شهور ان شاء الله )
3- يتم اعداد اللحم المفروم : يشوح البصل فى ملعقه زيت صغيره و يوضع البصل و البهار ( الطريقه العاديه فى اعداد العصاج )
4- اعداد المرق ( يمكن استخدام مرق دجاج او لحم او شوربه كنور خضروات حسب المتوفر لديك و لكن انا افضل عملها باللحم المبهر و السابق التجهيز )
5- يتم وضع المرق على النار حوالى كوبين كبار الى ان يغلى يسقط فيها 4 ملاعق ملوخيه بورانى و لحم مفروم معصج كما اسلفت الى ان تحصلى على قوام غليظ
( ) القوام سميك و غير سائل كالملوخيه الخضراء انما مثل قوام السبانخ بعد الطهى
6 – يتم وضع ملعقه زيت و ثوم مع كسبره جافه و عندما تحمر قليلا اضيفها على الملوخيه ( كالطريقه التقليديه )
7 – تترك ليغلظ قوامها 5 دقائق على نار هادئه
تقدم مع الدجاج او اللحم و الارز !

مش عايزه حد يتريق بقول اهه !!!!!!! جربوها بس و شوفوا !

( الملوخيه المجففه سابقه التجهيز : طبعا والدتى بعتاهالى من مصر معلبه و مجمده عبر المحيطات فمعرفتش اواريلكم تفاصيل التحضير ! فيعنى الامر مش بالسهل قدروا الموقف شويه ! و يالا ورونى حتطلع معاكم ايه !

الله يعطيج العافية حبيبتي شكلها طيبة

طيب احكى ملوخبة ناشفة ههههههههههههههههه

شكلها طيب

شكرا للتوضيح

الملوخية مش بتغلى كتير كدة
دة يا دوب تغلى الشوربة كويسة اوى وتضيفى الملوخية فى حلة عادية خالص غلويتن وبس وتحطى التقلية

يعني يادوب تغليها غلوتين وتلات بس خمس دقائق

اول شيء اذا طولت علىالنار لونها بتغير وبصر اسود

انتي بس اغلي المرق كويس وحطي الملوخيه والتقلايه تبعت التوم واغليها شوي
ولا تغطي الطنجره سبيها مكشفه علشان ما تكد في قعر الطنجره

اغلي المرقه وحطي الملوخيه الجافه واغليها تقريبا من 5 الي 0 دقايق بالكتير مع التقليب

لغايه ما تعمل عرق يعني لما ترفعيها لفوق بالمعلقه تلاقيها متماسكه

وبلاش تغطيها عشان لو غطيتيها حتسقط لتحت وتفصل وبعدين اعملي التقليه التوم وحطيه

عليها وغطيها بس كده

ان شاء الله استفدتي عزيزتي من ردود الاخوات

فيه كمان حاجة تانية

الملوخية الناشفة ممكن تضعي معاها سلق حتى يعطيها اللون الاخضر

افرميه وضعيه مع الملوخية