اول شي قبل ما ابدا بالموضوع انا عارفة انه غلطانة وعارفة انه علي حق
وعارفة انه الجنة تحت اقدام الامهات وعارفة انه الواحد ما بصير يزاعل اخوه المسلم اكتر من 3 ايام فما بالكم بالام ؟؟؟؟؟؟؟؟؟؟؟؟
انا كتير متضايقة وجيت هون اشكي وافرغ همومي
وهلا الوقت متاخر ومو عارفة انام ولا حتى عارفة اعيش حياتي متل العالم
ان شالله اقدر الاقي النصيحة عندكم
القصة وما فيها انه اجاني عريس عن طريق عمتي
وانا ما كان عاجبني الموضوع بالاول نظرا لمستوى العريس الاجتماعي الي اقل من المستوى الي انا عايشة فيه
بس على قد ما امي زنت على راسي قلت يا بنت استخيري انتِ شو خسرانة!!!!!!!!!!!!!!!!!!
واستخرت وعلى مدار 3 ايام ما كنت احلم الا احلام سيئة جدا
وامي استخارتلي وما حلمت شي
وخالتي كمان استخارت وحلمت حلم مزعج جدا
وبالنهاية استقرينا على انه الخيرة فيما اختاره الله
وانا كنت مبسوطة على الآخر لانه بالاصل انا مو حابة الموضوع
وبعدين طلعت امي بموال جديد انه لازم اشوف العريس بعد ما شفت اهله<<<<<<<<<<<وهون انا ما عم افهم طالما النتيجة النهائية هي الرفض ليه لحتى اشوفه؟؟؟؟؟؟؟؟؟؟؟
قالتلي هيك عادات الناس والبنات لازم يتعرضوا لهيك مواقف
انا رفضت وما بدي اشوفه
وهي مشيت معي وقالتلي اوكي خلص بس حسيت انها شالتلي اياها لبعدين
لانه انا بعرف امي منيح لازم تعمل الي براسها او الدنيا بتصير مو منيحة
بهداك النهار العصر طلبت منا انه نطلع ننضف قدام البيت انا واخواتي التنتين
والساحة قدام بيتنا كتييييييييييييييييييييير كبيرة
يعني ما بتقدر وحدة منا انها تنضفها
في وحدة من اخواتي موظفة وتحججت انها مروحة تعبانة وما بدها تشتغل
انا قلتلها وانا من الصبح واقفة بالبيت وكمان تعبانة خلينا نطلع التنتين بنخلصها بسرعة وبنرتاح تنيناتنا بس هي رفضت
فانا صرت اصيح عليها وتدخلت امي بالموضوع وحكتلها تطلع معنا واجت امي ساعدتنا رشتلنا ماء وقالتلنا ننضف وراها
وطبعا اختي ما طلعت الا بعد ساعة وانا معصبة على الآخر
الي صار انه اختي هادي طلعت 5 دقايق ساعدتنا والا هو بآذن المغرب
فتركت الشغل ودخلت تصلي وما عادت طلعت <<لقتها حجة يعني
اختي التانية صغيرة يعني مو كتير بالشغل
وامي بعد ما رشت الماء دخلت تصلي المغرب
فصفيت انا لحالي مو عارفة اكمل لانه كتير كبيرة الساحة ولا عارفة اترك واروح اصلي
بعد الصلاة طلعت امي ولقتني بشتغل لحالي وما حكت شي لانه المهم عندها يخلص الشغل<<<كيف وليش ما بهم
اجيت انا حكيتلها ناديلي اختي الي دخلت تطلع تساعدني لانه انا كمان بدي اصلي
مو بس هي المسلمة بالبيت عنا
<<<<<<وهون الوقت كان صار ليل يعني موعد الصلاة كله راح
شو كان ردة فعل امي؟؟؟؟؟؟؟؟؟؟؟
دخلت البيت معصبة وخبطت الباب وصارت تبكي ودعت علينا (بناتها) دعاوي بتشيب الراس
انا ما سمعتها بس اختي طلعت من البيت تحكيلي مالها امي وليه هيك بتدعي علينا؟؟؟؟؟
وليلتها طلعت امي زيارة ورجعت دخلت البيت واجت على الصالة وما سلمت علي وانا كنت قاعدة لحالي مع انها بالعادة بتسلم<<يعني زعلانة مني بس على شو ما عم بفهم؟؟؟؟؟؟؟؟؟
وهلا كل ما تطلع مكان وتدخل البيت اذا كنت انا موجودة ما بتسلم
اما اذا كانوا باقي اخواني بتسلم عليهم عادي
المشكلة انها دائما هيك لما تعصب بتقعد تدعي علينا جميعا(البنات) سواء غلطنا او ما غلطنا ما بتفرق عندها
بينما اذا عصبت من اخواني الشباب بتحكيلهم الله يهديكوا
شايفين التناقض؟؟؟؟؟؟؟؟؟؟؟
اكتر من مرة حكيت معها بالموضوع بدون فائدة
وانا الي قهرني انها كانت تحكي انه انا خلفتكم لارتاح وانتم متعبيني
وانا والله العظيم ما بخليها تعمل شي بالبيت بضل اشتغل لحد ما ابطل اقدر اوقف على اجري
واحيانا من الوجع ما بقدر انام
وصارلي اسبوعين لانه عنا ورشة بالبيت بضل واقفة من الساعة 7 الصبح للساعة 12 بالليل وانا على فتلة وحدة
بس المهم انها ما تتعب
وبالاخير ماطلعت معها بالريحة الطيبة متل ما بقولوا
والحكي هاد صار مارق عليه يومين واليوم التالت وانا مو قادرة احكي معها
وكل اخواتي بيحكوا معها عادي وهي بتحكي معهم بس انا مو قادرة
وبقول انه لو كنت عاقة لا سمح الله
او موتت حالي وانا بطلب رضاها النتيجة وحدة
ساعدوني شو اعمل
وعلى فكرة
امي انسانة مثقفة جدا ومتعلمة وعلى قدر عالي جدا من المعرفة بالدين والكل بيشهدلها بهاد الشي
ولما احكيلها انه ربنا طلب ما تدعوا على اولادكم وانفسكم بتحكيلي مو من قلبي بس انا فعلا بنقهر لما تدعي علينا هيك
والحل بالنهاية شو؟؟
اصالحها ولا كانه صار شي
او احكي معها
وعلى الحالتين رح يتكرر الموضوع مرة اخرى بمجرد ما تزعل من اي وحدة منا رح تدعي علينا جميعا
والله يا بنات انا تعبانة كتير ولا عارفة اعيش
لانه ما بحكي معها ساعدوني الله يخليكم
شو الاسلوب الي لازم اتبعه مع امي؟؟؟؟؟؟؟؟؟؟؟؟؟؟؟؟؟؟؟؟؟
واعذروني طولت عليكم
دمتم بود
عالعموم انا صالحت امي اولا
والكلام بالموضوع رح يتاجل شوي لانها لسا شوية زعلانة مني
ودمتم بود
السلام عليكم ورحمه الله وبركاته
هلا ومرحبا فيكِ غاليتي قوية الإرادة
يسرنا حسن تواصلك معنا …
أملين أن يستمر هذا التواصل …
غاليتي قوية الأرادة …
أعجبني فيكِ تفانيكِ في خدمتة والدتك وحرصك على نيل رضها
وهذا أن دل فإنما يدل على حسن تربيتك وقلبك الطيب …
غاليتي قوية الأرادة …
بالنسبة للعريس الذى أحضرته عمتك و بعد صلاة الإستخارة تراءت
لكِ ولعمتك بعض الأحلام المزعجة …
يالغالية صلاته الإستخارة ليس من نتائجها ان يري من صلاها
رؤيا في المنام إنما نتائجها و أثرها يكون في تيسير الزواج وحصول
قبول و رضي و إطمئنان نفسي و فكرى من الطرفين ( الشاب و الفتاة )…
وكون أنك و عمتك رأيتم أحلام مزعجة فالأحلام المزعجة تعتبر من الشيطان
و على من يرى هذه الأحلام المزعجة أن يتفل على شماله ولا يحدث بها أحد
وبإذن الله لن تضرة …
كان الأجدر بك يالغالية أن تسمعي كلام والدتك وترى الشاب المتقدم لك
الرؤية الشرعية لعل الله يأدم ويوفق بينكم أو تتفرقا وكل منكما يذهب لحال سبيله …
مسأله خلافك مع والدتك …
أنا أري و الله اعلم أن سبب خلاف والدتك معك ليس بسبب حادثة
تنظيف االساحة الأمامية للمنزل و إنما بسبب رفضك لرؤيت العريس
وكانت مسأله تنظيف الساحة الأمامية للمنزل هي الحادثة
المكمله للزعل الحاصل بينك وبين والدتك بدليل ان والدتك لم تزعل إلا منك …
أنا عرفت من ردك الثاني أنك تصالحتي مع أمك وهذا شيء طيب
فجزاكِ الله خير يالغالية علي حرصك على إرضاء والدتك …
الأن يالغالية يبقى مسأله مناقشة موضوع الخلاف الأساسي مع والدتك
حتى تصفى القلوب أن كنتِ يالغالية غير مقتنعة بالشاب المتقدم لك
فإجلسي مع والدتك وبيني لها بهدوء وجهت نظرك في الموضوع و أسباب
رفضك للشاب فإن أصرت والدتك على رؤيتك له من باب الأعراف و التقاليد
المتعارف عليها فأطيعي والدتك يالغالية ونفذى أمرها و إلبسي اللبس
الشرعي و قابلي الشاب إبتغاء لمرضات رب العالمين فرضى الله عليكِ
متعلق برضي و الدتكِ عليكِ …
غاليتي قوية الأرادة …
والدتك هي الشخص الوحيد في العالم التي تتمني لك السعادة والخير
وتتمني أن تصبحي في منزله أفضل و أرفع منها هي شخصياً …
حاولى يالغالية أن تكسبي رضاها بالكلمة الطيبة و المعامله الحسنة
و بالرفق واللين تجنبي كل الأمور التي من الممكن أن تثير غضبها …
إلزمي الصمت إذا ما وجدتيها غاضبة أو منفعله …
حاولى أن تتقربي منها أكثر إجلسي معها و تجاذبي معها أطراف الحديث
إفتحي لها قلبك إحكي لها ما يضايقك , إشترى لها بعض الهدايا المناسبة
و إهديها لها قبلي رأسها في كل مرة تعودين فيه إلي البيت …
أخرجي معها بين فترة و أخرى و تمشي معها في الهواء الطلق …
كل هذه الأمور ستقربكِ من والدتك وستكونين بفعلك هذا أقرب
الناس و أحبهم إلى قلبها …
فعل هذا الأمور يالغالية لا يتطلب منك إلا بذل بعض الجهد و تحليكِ
بالصبر في سبيل أن تصلي إلى غايتك ومبتغاكِ
وهو رضي والدتك عليكِ …
أسأل الله تعالى أن يسر أمرك و يصلح ما بينك وبين والدتك
ويوفقك لمافية خير الدنيا و الأخرة …
وانا متل ما حكيت كتير قريبة من امي بس المشكلة لما تعصب هي
عالعموم هلا احوالنا تمام الحمد لله ورح اعمل الي بدها اياه بالنهاية ما النا غير رضى الوالدين بالدنيا
مشكورة اختي الذكرى على مرورك ودعائك
كتبت بواسطة طيابني 
الله يسلمك مشكورة لمرورك
كتبت بواسطة عباده على العكس هادي احلى دعوة
وليه لحتى ما تعجبني الله لا يحرمني لا من ابي ولا من امي اللهم آمين
هم الوحيدين بالدنيا الي ما بيتعوضوا وغيرهم كل شي بيتعوض
انا موضوعي كان مجرد بث للهموم مو شكوى لا سمح الله
لانه كنت كتير متضايقة وامي زعلانة مني
والحمد لله الامور صارت هلا تمام
يســــــــــــــــلمو للمرور
في الأخير تبقى أمك و رضاها من رضى الله و لا تنسي إنو مثل مابتعاملي أمك رح يعاملوك أبنائك"كما تدين تدان"
فاستحمليها و أكيد فيها أشياء و صفات جميلة و الكمال لله
الله يخليها ليكم و يخليكم ليها و يديم بيناتكم المحبة و الألفة
مليون هلا بيكي
وانا والله ماشفت الموضوع الا الان
يمكن كأنك بتحكمي عني مش عن حالك
هذا موضوع العرسان خلي ع جنب …. الصراحة شي مقرف
انا بالنسبة الي حابة اشتغل بالاول سنة أو ثنتين ….. وبعدها رب العالمين بفرجها
وهيك انا بضل ع اعصابي لاي موضوع عريس بنفتح
الموضوع انك انت قليلة حظ هذا عادي جدااااااااااااااااااااااااا
يعني انا بعاني نفس المعاناة
ويمكن انت بتعرفي انه انا وانت بنمر بنفس الظروف
هو الموضوع بخلي الواحد يفقع من القهر …. وشي بطلع الروح
يعني انتي بتموتي حالك عشان كل من حولك
وبالاخر غلطتك قد الجبل مهما كانت صغيرة وغلطة غيرك قد ذرة التراب حتى لو كانت كبييييييييييييرة
وان غلطتي بحد وكنتي انت ع حق ياويلي !!!!!!!!!!!!!!!
والمشكلة مرات اخوانك وخواتك بعملو حالهم ملائكة لما تكوني زعلانة من امك أو امك زعلانة منك
وهم بالاصل غلطاتهم ماشاء الله ما أكثرها …. ومايحملو هم شي ابدا
اما موضوع انه زعل الام والله صعب جدااااااااااااااا
ولازم الواحد يضغط ع حاله …
شو نشوي يعني
وموضوع السبابا والبنات ياعيني !!!!!!!!!!!!!!!
هذه معرروج جداااااااااااااااااا
والله و احكيلك أخوي شو بعمل …. وامي كلمتها الوحيدة " اتلله ييسر أمروه " أو الله يهديه
شو نسوي
مع حبي ياغالية
اشتقت لكم كثير اموااااااااااااه فتوشيه هههه
) وكبرت الفتاة الجميلة على حبها الشديد لصنع المربى
