السلام عليكم ورحمة الله وبركاته
اخواتي الكريمات حبيت اليوم انزل طبق الفته اللي عملته واشارك به في منتدانا الغالي
انا سبق ان نزلت طريقة الرقاق في ركن المعجنات وممكن تشتري الرقاق جاهز للسهوله
وقمت بعمل مرق السمك او صالونة السمك وكلنا نعرف الطريقة بس بقول طريقتي عشان ما تقولون ايش الطريقه وحاضرين للغالين.
المقادير:
-سمك او دجاج او لحم مقطع
-بصلة واحده مقطعه
-4 فصوص ثوم مفروم
-لومي عماني يابس(حبه او حبتين) وممكن مطحون بس اليابس يعطي طعم رائع للصالونه
-بقدونس مفروم
-قرنين فلفل حار
-خضار (بطاط و جزروطماطم و كوسا و باذنجان )او اي نوع متوفر معك مو شرط كل انواع الخضار مقطع مكعبات
-بهارات المرق (بزار)و احط ملعقه صغيره كل من كمون مطحون/كزبره /كركم)
-ملح
-معجون طماطم
-ماء
-زيت
الطريقه :
-نحضر الجدر (الوعاء ) ونضعه على النار نضيف الزيت ليسخن ثم نحط البصل +الثوم +الفلفل الحار+اللومي اليابس ونخلطهم مع بعض لمدة دقيقه
-ثم نضيف البهارات+ البقدونس +الخضار ونخلطهم شوي ونخليه مدة قليله يتسبك مع اضافة القليل من الماء
يعني كوب (اذا حاطه بطاط وجزر فرح يحتاجو 4 او 5 دقائق لينضج)وانتو عارفين
-ثم نضيف معجون الطماطم ونخلط ثم السمك او الدجاج او اللحم(اخواتي بالنسبه للحم لازم نسلقه لوحده قبل لانه ياخذ وقت طويل واختصارا للوقت نسلقه لوحده اولا ويكون جاهز بعدين نضيفه للمرق ونستعمل مرقة اللحم بيكون اطيب
-المهم نضيف الملح وكمية ماء معقوله كوبين او اكثر في الاخر ونتاكد من الملح بعدين نغطي الوعاء لحد ما تنضج الخضار والسمك او الدجاج
لعمل الفته:
-نشيل السمك من المرق جانبا ثم نفتت الخبز فوق المرق(فيه ناس ما تسوي هاي الطريقه يجيبون وعاء التقديم ويفتتوا الخبز بعدين يصبوا المرق فوقه )بس كل الطرق نفس الشئ
-ثم نخلطهم مع بعض بس لازم يكون المرق او الصالونه اكثر من الخبز عشان ما ييبس الخبز ويكون ناشف
-اذا حبيتي تخلي السمك فوقه
وبالعافيه
والله يرحم والدك ويجعل مؤاه الجنة انشا الله
تسلم ايدك عليها
ابدعتي
ريحة الأكلة وصلت لعندي 
رووووووووووووعة…ما شاء الله
طبق كثير حلو ويشهي ..ههههه
يعطيك العافيه يا غاليه
جزاك الله كل خير
كتبت بواسطة شخبط شخبيط 
