الوسم: Chahira

-قطعة خميرة فى حجم عين الجمل او ما يوازيها بالخميرة البودرة " لا استخدمها نهائيا علشان بكرهها".

– ربع كوب ماء من الماء الناتج عن تصفية القرع.

– م. ص سكر.

– م.ص ملح.

-4 الى 4 و نص كوب دقيق مخبوزات منخول.

– كوب من بيوريه القرع " اليقطين" .

-من ربع الى نص كوب من ماء القرع او ماء عادى .

-بيضة مخفوقة.

– قلب لب القرع .

يالاااااا على الطريقة:-

و دى مرحلة" تربية الخميرة"و ده تعبير امى و جدتى !! , ايوه بنربيها بنأكلها سكر و نشربها ميه و ندلكها و نغطيها زى ما هتشوفوا, و ده علشان تنام و تكبر و تعطينى احلى خبز.

اكلت السكر و مبسوطة و دلوقتى هتنام!!!!!

شششششش نايييمة!!!

بعد 5 دقائق !!! ما شاء الله !! كبرت و بقت عروسة

فى هذه الأثناء , حضرت اناء العجن و حطيت فيه الدقيق و الملح و اليقطين و ايه تانى الميه ,, فى حاجة تانية ؟؟؟ لأ لألأ كله تمام .

و نبدأ نعجن و بعدين نلت العجين 10 دقائق يعنى نخدمه كويس.

و نلتها حتى نحصل على عجينة ملساء زى بشرة البيبى .

هنا دهنتها بشوية زيت خفيف علشان ما تلزقش فى طبق العجين.
و هغطيها!!!!

ششششششش !!! نايمة.

"ما شاء الله عليكى يا حلوة , كبرتى يا قمرة و نورتى ."

نيجى للتشكيل …..

دهنت صينية sponge cake بشوية زبدة على الخفيف و رشيت شوية دقيق درة أصفر, و حضرت لعيشى أحلى سرير.

حطيت العجينة , بس مش كلها , احتفظت بجزء صغير فى حجم كرة الجولف و دهنت الجزء ده .

واضحة الصور يا بنات؟؟

و عملت عقدة!!!!!! يا ساتر يا رب !!!
url=http://www.0zz0.com][/url]
و دهنتها كمان بالبيض و رشيت عليها قلب البذر و سيبتها تخمر نصف ساعة .
و ده شكلها قولوا بسم الله و جاهزة تدخل الفرن على درجة 200 .

يا سيييدى ايه الجمال ده !!!
بعد الخبز …… كان ده شكلها,,,

بسم الله و ده شكل تانى:-
url=http://www.0zz0.com][/url]

و خلااااص كل خبزة و انتوا طيبين , يالا قولولى تسلم ايدك يا شوشو
العيش جميييييل اوى و هش بشكل رهيب.
يالا عليكم انتوا بقه الأجبان و المشروبات , كفاية عليا انا كده.
سلااام و أشوفكم فى حكاية جديدة بكرة مع القرع العسلى

كتبت بواسطة دلوعةعلاء

ما شاء الله بتستاهلي خمس نجوم و100 تميز
روعة حبيبتي الله يسلم إيدك ويا ريت تكون كل مغامراتك مبدعة بهل الشكل
شي بيشهي

الله يخليكى يا احلى دلوعة , ميرسى كتيير, بحب انا الناس السهيرة اللى زى حالاتى كده, شرفتينى و نورتينى دلوعة

هلق قوليلى اكيد وانت بتطبخى الجيران بشمواأشياء حلوه وببقوا طابورههههه
يا ريتك جارتى خخخ

ريته صحه وهنا

في انتظار باقي ابدعاتك

ازيكم يا حلوين , عاملين ايييه؟؟؟
اليوم سوف أبدأ معكم حوار طويل شوية " معلهش استحملونى"
أول امس , نزلت السوق , عادى زى كل مرة , و السوق بتاعنا كله خضار و فاكهة طازة و الفلاحين يمين و شمال بينادوا على البضائع و كل واحد بيبيع العادى طماطم , كوسة , خضرة , فاكهة الصيف , كله عادى عادى!!!!
لفت انتباهى فى ركن من الأركان واحدة فلاحة بتبيع القرع العسلى أو عند البعض يسمى اليقطين و الناس رايحة جاية و هى مش بتبيع ؟؟؟؟ قلت طيب يا شوشو اشترى قرع و فكرى بعدين فى ال Menu و فعلا اشتريت و الست انبسطت و أنا اتدبست القرع تقيل فهل من مغيث ؟؟؟
المهم وصلت البيت بالسلامة و دماغى بيشتغل هعمل بيه اييييه ؟؟؟ اشتغلت الفهامة و قررت ما هو اتى:
هعمل صنفين فى الاطباق الرئيسية
و كيك و مافنز و تارت او باى اليقطين و ايه تانى؟؟؟؟ سلطة ممكن!!
هعمل خبز القرع العسلى, و كمان ice cream و كمان عصير و مخلل!!!! لأ و ايه تسالى كمان؟؟
و فعلا بقالى يومين و نص غرقانة فى القرع و دلوقتى خلصت و بدأت أكتب مذكراتى مع القرع !!
أرجو منكم ان تتابعوا الملف لأنى بذلت فيه مجهود كبير ,, كمان عايزة اللى دخل و استفاد من الموضوع يكتب لى تعليق او نقد بناء و أرحب دايما بالاسئلة و طبعا الموضوعات هتبقى متوزعة على حسب نوع الطبق ….
طبعا كلنا عارفين الفوائد الصحية العديدة و التى لا تحصى للقرع و رغم كده أرى انه لم يستفاد منه حتى الأن الاستفادة القصوى فى المطبخ العربى لييييه ؟؟؟ معرفش رغم انه من الأولى ان نبتكر له عدة طرق للطهى و نقتله بحثا و طبخا فاليقطين ذكر فى القران كّذلك اوصى به الرسول عليه الصلاة و السلام .
نحاول مع بعض نستكشفه من جديد و ندخله مطابخنا فهو حقا رائع!!!!!!
قبل كل شئ لا بد من تحضيره قبل الاستخدام و بالتحضير خطوات بسيطة سوف اشرحها لكم بالصور و التفصيل الممل و بعد كده أبدا أنزل الوصفات:
يجب حسن اختيار ثمرة اليقطين , انا افضل المستديرة الشكل مش عارفة لييه؟
url=http://www.0zz0.com][/url]
المهم حميتهم يعنى غسلتهم كويس اوى وبعدين اخترت واحدة حلوة و سميت

وقطعتها نصفين:

و ده كان شكلها من جوه !!! سبحان الله !! مش اول مرة اشوفه بس الحاجة الجميلة فى خلق الله انك كل يوم تندهش من بديع صنعه. بالملعقة افرغت الالياف و البذر وو ضعتهم بوعاء فيه ماء و بدأت التقطيع :" أقصد بدأنا التقطيع اتنين , تلاتة مش قادرين عليها!!! يا ستار يا رب !!! بس ايه انا وراكى و الزمن طوييييل!!!!

سخنت الفرن على درجة حرارة 250 و وضعته فى الصاج على ورق القصدير او الفويل و بعد ما بدأ يسخن الفرن دخلته.

قعد شوية كتييير

خلاص اتشوى , قشرته و ووضعته فى مصفاة حتى تنزل منه كل السوائل اللى فيه و المرحلة دى مهمة اوى اوى .
طيب عملت ايه بعد كده بالألياف بتاعته و اللب و القلب بتاعه اللى اتشوى ؟؟؟؟ عملت عمااااااايل انتظرونى غدا, ابحثوا عنى فى كل الاقسام فيه عصير فى مخلل فى كيك فيه خبز فى طبق رئيسى فى ايس كريم كل الخيرات ميعادنا بكره ان شاء الله

اه كنت هنسى تعالوا شوفوا عملت ايه فى اللب ؟؟؟؟
حطيت عليه ملح بعد ما غسلته و دخلته الفرن مع القرع و هو بيتشوى , اتحمص و طعمه كان لذيييذ اوى و عملت بيه حاجة تانية هتشوفوها فى المخبوزات ان شاء الله , يالا نشوف الصور , على فكرة طعمه احلى من اللب الابيض بتاع مرسى مطروح المشهور!!!!
و الصورة التانية تنزل من فضلك:

يالااااااا اتفضلوا قزقزوا و بالهنا و الشفا. بس مش عايزة اشوف قشرة فى الأرض, أنا القرع قطم وسطى و مش ناقصة كمان انضف .
تابعوا ملف القرع العسلى أو اليقطين غدا و بعد غد ان شاء الله.

اما العصير صراحة اول مرة اعرف ان ممكن يتعمل من القرع العسلي مشروب
ومنك نستفيد يا شوشو

سلمت يمناك
ورمضان كريم

تسلم إيديك وعينيك .. وربنا يعطيك ألف عافية.. وربنا بخليلك القمرين اللي في الصورة وتفرحي فيهم ..

خشوا على المقادير و الطريقة يا حلوات :-

1 و تلاتة ارباع كوب من بيوريه القرع و ده شكله " شوفوا طريقة تحضيره فى هذا القسم "

و لازم يكون مصفى كويس من العصير بتاعه.

بنحطه فى الخلاط مع 1 و نص كوب كريمة لبانى سائلة و ثلاثة ارباع كوب سكر بنى.
و نضرب بس مش كتير.

انا كمان ضفت له فى الخلاط شوية قرفة و جنزبيل بسيط خاااالص.
بنحطه فى علبة و نسيبه فى الفريزر حوالى 10 دقايق و بعدين طلعته على ماكينة الايس كريم.
يقعد حوالى تلت ساعة بس فى نص المدة حاولت انعشه و ابسطه بشوية اضافات!!!!

ايوه!!! زبيب اسود كبير و شوية شوكليت شيبس !!!! واااااو.

دوخته شوية فى الماكينة من اللف و الدوران و بعدين دخلته الفريزر و ده كان شكله عند التقديم !!! مفيش اسهل من كده!!!!

و ده شكل تانى….

البسكويت و صوص الكراميل اللى عملته برضه من القرع العسلى, انتظروا طريقته بالصور على الحلويات و ميعادنا بالليل انتظرونى!!!!
و دى صورة تانية مع كوكيز الايس كريم مع الشيكولاتة البيضاء جوه عجينة البسكوت…
url=http://www.0zz0.com][/url]
طعمه خرااافة , و كل مرة و انتوا طيبين.
القادم:- بسكوت بالشيكولاتة و صوص الكراميل و القرع العسلى!!!!!! تااااانى ؟؟؟!!؟!؟!؟!!
ايه؟؟ حد عنده اعترااااض و لا ايههههه؟؟؟؟؟؟

يم يم يم تسلم ايدك يا احلى شهيره

على فكره انا حامل في اول شهر وفتره وحام اعمل ايه اجيلك مصر ههه

بجد تسلم ايدك تحفه

فى انتظارك

بجد بجد ..حاجة كلاس خالص..تسلم أيدك اللي تتلف بحرير..ربنا يحميكي و يحرسك يا رب..

كتبت بواسطة yehia2017

آآآآآآآآآآآآآآآآآآآه يا قلبى شكله يهبللللللللل بجد ماشاء الله
تسلم احلى ايادى فى الدنيا طبعا ايادى شهيره الخبييييييييره
ودى علشانى انا خدتها خلاص

بالهنا و الشفا يا ام نور يا جميلة و سلامة قلبك يا عسل