الوسم: الاوزي

السلام عليكم ورحمة الله
بسم الله الرحمن الرحيم
مكملة معكم وصفات من موسم االعزايم
ومبارح كانت … اوزي
اول شي لمحة على السريع
الاوزي الدمشقي بيختلف انو …. بالرز والبازاليا واللحمة
بينما كلمة اوزي في دول اخرى ولبنان فهي تعني اوزي مثلا خروف مشوي ومحشي رز ……. الخ
بس انا عملت الاوزي الدمشقي الي من لحمة مقلية وعليها بازاليا وتنطبخ وبعدين نحط عليهم رز …. ونطبخه عاااااااااادي

وانا عملت هذه الخطوة قبل ليلة حتى ارتاح بالشغل تاني يوم
والحمد لله تاني … ولما قرب موعد الغدا

حطيت شوية رقايق عجين .. وممكن تستعملوا .. الجلاش ..
حطيت قطع منها في زبدية صغيرة
ووضعت شوية من الرز السابق.. وطبعا بهذه النقطة نحط كمان شوية مكسرات مقلية وحسب الرغبة

ولفيتها

وبعدين نقلبها

ونصفهم بالصواني

شوفوا حجم القطعة بالنسبة لليد

ولما يحين موعد الغدا وقبل نص ساعة بس
ندهن الوجه لكل حبة بشوية سمنة او زيت

ونحطهم بالفرن
وممكن بعدين نزين الوجه بحبة لوز …………..

ويقدم ممكن مع سلطة
او سلطة لبن روب بالخيار

وصحتين وهنا على قلبنا وعلى قلب الي حيجربوهااا

السلام عليكم ورحمة الله وبركاته

مبارك عليكم الشهر وان شالله نكون من عتقاء رمضان
اليوم كان عنا عزومة على الفطور
وكانوا المدعويين تقريبا 20 شخص
وقررت اعمل صدر اوزي كبير احسن ما اعمل عدة اصناف

وطبعا الكل حمد وشكر بالطبخة وقالوا انها زاكية جدا

وانا قررت انزل الطريقة لكل الي بحبوا يجربوا شي جديد

ملاحظة:الطريقة طويلة شوي وفي صور كتير يا ريت تنتظروا لتحميل كافة الصور

نبدا على بركة الله

الطبق هاد في شغل كتير بس رح احاول اشرحه بشكل مبسط

رح احكي عن
الدجاج
الارز
الزينة لصدر الاوزي
والتقديم النهائي

الدجاج

بما انه انا عندي اشخاص كتار فانا طبخت 5 دجاجات مقطعات

نسلق الدجاج وعند غليانه نعمل على ازالة كافة الرغوة التي تظهر.

كما موضح بالصورة انا عملت خلطة واضفتها للدجاج وهي:
الصورة الاولى
اضفت بصل==انا استخدمت 3 بصلات كبار لانه عندي كمية دجاج
ثم اضفت فلفل حلو==حسب الرغبة ما في كمية محددة بس بيعطي طعم ورائحة رائعه جدا

الصورة الثانية
اضفت الفلفل الحار قرنين لانه انا ما بحب الحار وكل وحدة فيها تضيف على زوقها
واضفت كمان ثوم==استخدمت راس ثوم كبير

الصورة الثالثة
اضفت البندورة==حسب الرغبة (يفضل اكترمن 3 حبات ) وانا اضفت 5 حبات واخترتهم يكونوا مستويات منيح

الصورة الرابعه
خلط جميع المواد السابق ذكرها في الخلاط الكهربائي

كما هو موضح في الصور
الصورة الاولى
اضفت الخلطة على الدجاج واكتشفت انه الطنجرة كتير صغيرة وما رح ياخد الدجاج راحته بالاستواء

الصورة التانية
غيرت الطنجرة واضفت شوية ماء ليغمر الدجاج واضفت كمان
ملعقتين كبار زيت زيتون
ملح
فلفل اسود مطحون
هيل مطحون
زنجبيل
وفي عندي بهارات كتير زاكية بجيبها من الامارات اضفت منها على الدجاج

ملاحظة:كمية البهارات بتكون حسب الرغبة وكل وحدة بتعرف شو بتستعمل دائما
وفيكم اكيد تضيفوا اي شي بتحبوه من البهارات سواء اللومي او القرنفل او ………..الخ

الصورةالتالتة
بعد ما استوى الدجاج نقلته لصدر لوحده بعد ما شلته من المرقة

الصورة الرابعه
مرقة الدجاج بعد ما صفيتها من الخلطة الي اضفتها للدجاج ورح استعملها في طبخ الارز

وهادي الصور بتوضح طريقة عمل الخلطة الي رح استعملها لشوي الدجاج
ورح اشرح عنها حالا

1) استعملت الخلاط الكهربائي في فرم راسين ثوم كبار
2)اخدت جزء من الثوم المفروم لاستعلمه في الخلطة وباقي الثوم رح استعمله في طبخ الارز
3)اضفت كمية من معجون البندورة تقريبا 5 ملاعق كبار
4)اضفت ملعقتين صغار تندوري<<الي بحبوا الحار فيهم يضيفوا اكتر
5)اضفت لبن رائب فوق الخلطة
6) اتضح انه كمية اللبن كبيرة فرجعت اضفت معجون طماطم
7)اضفت زيت زيتون تقريبا ملعقتين كبار
8)عصرت ليمونة كبيرة فوق الخلطة
9) حركت الخلطة بالملعقة لحد ما تجانست مكوناتها

ملاحظة:الكميات مو محددة كل وحدة بتعمل الكمية حسب رغبة عائلتها
اذا بحبوا التوم بتضيف توم كتير او بتقلل حسب الرغبة
مع ملاحظة انه التوم بيعطي طعم حار للخليط
معجون الطماطم بيعطي لون للدجاج بعد الشوي كتير حلو
اللبن بيعمل على ترطيب الدجاج اثناء الشوي
والنتيجة بكون الدجاج مقرمش من الخارج مع لون حلو ومن الداخل طري وزاكي

1)نغمس قطع الدجاج في الخليط ونتاكد من ان الخلطة توزعت على جميع اجزاء قطعة الدجاج
2)نضعها في صينية مخصصة للشوي
3)الشكل النهائي للدجاج بعد اضافة الخلطة
4)لقطة عن قرب للدجاج

1)صورة للدجاج بعد اخراجه من الفرن
2)صورة اقرب لقطعة من الدجاج

لون الدجاج بكون احمر بس بالصورة مو واضح كتير

يتبع

1)لهادي الطبخة بنستعمل الارز البسمتي الي حبته طويلة
انا استعملت 2 كيلو ارز
غسلتهم ونقعتهم لمدة 45 دقيقة بماء فاتر
2)صفيت الارز من الماء واضفت عليه
ملح
فلفل اسود
هيل مطحون ومنخل
بهارات مشكلة
واكيد الكمياتحيب الرغبة وحسب ذوق العائلة
3)اضفت باقي التوم الي كنت فرمته وبيعطي طعم ورائحة للارز كتير زاكية
4)منظر الارز بعد خلطه مع البهارات

1)نضيف الى طنجرة زيت او سمن لطبخ الارز
وانا بشرت ليمونتين واضفتهم للزيت لانه بشر الليمون او البرتقال بيعطي طعم ولون ورائحه كتير زاكيين
اهم شي ناخد بالنا انهم ما بياخدوا وقت بالقلي لانهم بيحترقوا بسرعة
2) اضفت الارز فوق بشر الليمون والزيت
3)اضفت مرقة الدجاج المصفاه جيدا فوق الارز لتغمره تماما

بعد ما استوى الارز نقلته على طنجرة اوسع ورحكت حبات الارز بلطف باستعمال الشوكه
وهادي خطوة بتعمل على تفتيح حبات الارز وبتتركه منثور كل حبة بحبتها

1)نغسله ونقطعه الى قطع صغيرة نوعا ما كما في الصوره
نقلي قطع الجزر في زيت غزير بحيث تكون مغمورة تماما ولا ننسى اضلفة الملح للتخلص من طعم الجزر الحلو
2) النتيجة بعد القلي

1)نغسل البطاط ونقطعها الى مكعبات
2)نقليها بزيت غزير بحيث تكون مغمورة
3)النتيجة بعد قلي الجزء الاول من البطاطا
4)النتيجة بعد قلي الجزء الثاني ومتل ما ملاحظين هون تركتها لتقرمش اكتر من الجزء الاول

1)بنحاول دائما نختار البازيلاء الخضرا او المجمدة بتطلع ازكى
انا ما لقيت فاستعملت المعلبة
2) غسلتها بماء لتتخلص من الاملاح وتركتها تتصفى
3)قليتها بسرعة لانها مستوية فما بتاخد وقت بعدين بتدوب

1)وهاد اضافته اختيارية الي ما بحبه في ييستغنى عنه
2)متل ما بتعرفوا الزبيب حلو جدا ولنتخلص من حلاوته انا بسلقه بالماء لمدة ربع او ساعة او اكتر ليصير طعمه مقبول وبعدين بصفيه من الماء
3)بقليه بالزيت لتصير حباته منفوخة وتطفو على سطح الزيت
4)بشيله فورا من الزيت وهاد منظره بعد القلي

وهادي ازكى شي بهاد الطبق
فيكِ تختاري شو ما بتحبي
لوز..صنوبر…كاجو…فستق….الخ
انا اخترت
1)و 2) لوز قبل وبعد القلي
3) و 4) فستق قبل وبعد القلي

نبدا باضافة الزينة للصدر كالتالي
طبقة بطاطا
طبقة جزر
طبقة بازيلاء
طبقة زبيب
مع ملاحظة توزيع كل طبقة على كل الصدر نوعا ما

ثم نضيف الدجاج المشوي فوق الطبقات
وبعدها نضيف المكسرت فوق الدجاج

وصحتين وهنا
انا عملت معها سلطة عادية
سلطة فتوش
لبن رائب
عصير تمر هندي
عصير قمردين

يالله يا قوقو صار الي ساعه صافنه في الاوزي
اذا شكلها هيك كيف طعمها
نيال اللي اكلوها صحه وهنا على قلوبهم
ان شاء الله اكيد حجربها بصراحه فتحت نفسي
وجعت كماان
يسلمووو قوقو ووين مخبيه هالشطاره عنا
ابدعتي
انا بعملها بس ما بقلي البطاطا والجزر
بس بجرب طريقتك
وهاد الطبق انا ماخدتيه معي
يلا بااي
لاتخافي برجعلك الصدر
ههههه

بتمنى تكوني جميعا بخير وان شاء الله تنعاد عليكم هذه الايام المباركة بالخير والبركات

اليوم حاقدم لكم طبق كتير مرتب ويصلح للعزايم وللرحلات وللمناسبات السعيدة ان شاء الله تكون اوقاتكم كلها افراح ….. فقلت انزله لكم قبل ما انشغل بالاجازة والعيد وانا متاكدة انه حيعجبكم وينول رضاكم وهو اكلة شامية عريقة ولكن انا حاقدمها مع بعض التغيرات لتصبح اكلة سهلة ولذيذة ومقاربة للطبق الاصلي
والطبق هو أوزي الدجاج وانا اخذت طريقته من كتيب وطبقته مع بعض التغيير وكان كتير طيب وشهي

3 اكواب ارز بسمتي

2 – 3 ملاعق زيت كبيرة

500 جرام صدور دجاج مقطعة مكعبات صغيرة

بصلة متوسطة مفرومة ناعم

1 فليفلة خضراء متوسطة الحجم مفرومة مكعبات

1 فليفلة حمراء متوسطة الحجم مفرومة مكعبات

1 فليفلة صفراء متوسطة الحجم مفرومة مكعبات

2 جزرة مفرومة مكعبات ويكون كله مفروم نفس الحجم

1/4 كوب صوص صويا

ملح + فلفل ابيض + بهار مشكل + قليل من الزبدة لوضعها على وجه الارز وقت النضج

عجينة مربعات البف بستري

يغسل الارز وينقع بماء مملح حوالي 1/2 ساعة

احضري قدر واملئيه للمنتصف بماء واضيفي اليه ملعقة كبيرة ملح وملعقتين زيت واتركيه يغلي بقوة

حوالي 7 – 8 دقائق الى ان تحسي انه الارز نضج مع احتفاظه بشكله

صفي الارز من ماء السلق لحين استخدامه

في طاوة او قدر آخر اضيفي باقي الزيت وقلبي به مكعبات الدجاج على نار قوية حتى يجف ماء الدجاج ويبدا لونه يتحمر

اضيفي البصل وقلبي جيدا ثم الجزر واستمري في التقليب حتى يشارف الدجاج والجزر على النضج

ضيفي الفلفل الملون وقلبي قليلا ثم ضيفي الصوص صويا والملح والبهارات وغطي القدر واتركيه على نار هادئة جدا الى ان ينضج الخليط تماما ( حوالي 10 دقائق )

يضاف الارز المخلوط الى الخلطة الدجاج ويقلب جيدا

يضبط الملح والنضج واذا احتاج نضج كمان يترك الخليط على نار هادئة تماما لمدة 5 دقائق

توزع القليل من الزبدة على وجه الارز لاضفاء نكهة مميزة ويغطى لحين تجهيز رقائق البف بستري

نحضر عجينة البف بستري وتفرد لتصبح حواي 15 سم على سطح مرشوش بالدقيق

نحضر طبق شوربة صغير نضع في داخله العجينة ونترك اطرافها في الخارج كما في الصوووووورة

يقلب الارز جيدا و تملا العجينة بخليط الارز تغلق الاطراف على الارز جيدا ( يفضل ان يكون الارز بارد قليلا ) كما في الصورة

نحضر صينية مدهونة بالزيت ونخرج العجينة بخفة من الطبق ونضعها على صينية الخبز

الى ان تنتهي الكمية كلها و تدهن بمزيج البيض مع 3 من قطرات الخل ويمكن تزيينها بقطع صغيرة

من العجينة نفسها حسب رغبتك

تخبز في فرن مسخن مسبقا على درجة حرارة 180 درجة في الرف الاوسط من الفرن الي ان تنضج وتحمر من فوق لتصبح ذهبية اللون تقدم ساخنة مع السلطة الخضراء واللبن الزبادي
وممكن نستبدل عجينة البف بعجينة السبرينغ رووووووول الحجم الكبير انا كان عندي الحجم الصغير فجربت بها وكانت لذيذة جدا ايضا بس اولادي لم يصبروا اصورهم واكلوهم وميزتها تكون مقرمشة اما عجينة البف بستري تكون هشة اكثر وهاي صورة الطبق بعد الخبز في طبق التقديم

وهاي صورة طبقي مع السلطة واللبن وزينته بالمكسرات المقلية

وهاي صورة اقرب علشان تشوفوا حبات الارز والخلطة

طبق فخم ولذيذ وحيكون مفاجاة للي ما بيعرف الاوزي الاصلي لانه هلا في كتير ناس بتطبخوا وتقدمه
بدون العجينة
سامحوني للاطالة بس بصراحة الطبق كتير بيستاهل ان شاء الله تجربوه ويعجبكم وبالنسبة للخلطة ممكن تبدلوا فيها اوتضيفوا بازيلا حسب الخضار الي بتحبوها … وتبهروه بطريقتكم
بس بصراحة طعم الرز كتير رائع والصوص صويا اضاف له نكهة خاصة جدا

دمتم في حفظ الرحمن

لاتنسوني من دعواتكم الحلوة في هذه الايام المباركة

الله يهديني ويهدي اهل بيتي ويجعلنا من اهل الخير والصلاح

من نصيبي

يسلمو ايديك ام ايهم شكلهم جميل

واكيد من المقادير الحشوة بتشهي ياريت شفناها

كنت زودتي شوية في الصور ياقمر

صحتين وعافية يارب

ومرحبا بك معانا وبانتظار المزيد من ابداعاتك

كوبين رز
كوب بازلاء مثلجة او معلبة

تسلم ايدك
وريته الف صحه وهنا عليكم يارب

يسلمو ايديك ياقمر

روعة وصحتين وعافية يارب

تسلم الأيادي يا قمر بيشهي

ما شاء الله أوزى رائع
تسلم الأيادى

و صفتي اليوم سهله و بتناسب المرأه العامله لو جهزتي الرز و الخلطه قبل بيوم

و طبق جميل لعزومه او غدا عائلي

المقادير

لحمه مفرومه
رز
خضار (بازيلا و جزر)
ملح
بهار
هيل
قرفه

ورق كلاج
زبده ذائبه

الطريقه

ضعي اللحم المفروم في طنجره و قلبيه حتى يقارب الماء على الجفاف
(انا بفضل اللحمه المفرومه يدوي)

اضيفي البهارات و الملح

ضيفي البازيلا و الجزر و قليل من الزيت و قلبي

اضيفي الرز المنقوع و اغمريه بالماء حتى يزيد الماء بمقدار عقده اصبع

ارفهي النار حتى يغلي ثم خفضيها و غطيه حتى السوا

اختاري صحن دائري حجمه يناسبك

ضعي و رق الكلاج كما في الصوره

عبئيه بالرز بالخلطه

ثم اغلقي الورق فوق الخلطه و اقلبيه في صينيه مدهونه زبده

ادهني السطح زبده ذائبه

ادخليها الفرن في الرف السفلي لتتحمر من اسفل ثم حمريها من الاعلى

قدميها مع اللبن و السلطه

و صحه و هنا

يم يم
تسلم ايدك يا قمر
احلى وزي بالكون
بالعافيه عليكم يارب

ارز
بصله
لحمه مفرومه
بهارات مشكله
صنوبر او لوز مقلي

ثم تقلب اللحمه المفرومه مع بصله مفرومه ناعمه ورشة بهارات لحد الاستواء ونضعها جانبا

ثم نقلب الارز بالزيت قليلا حتى يتفلفل نضيف المرق ونترك الارز حتى يشرب ماؤه

ثم نضيف عليه الخضار والحمه المقليه ونتركه ينضج تماما

يسكب في الصحن

ويزين باللحمه المفرومه المقليه والصنوبر المقلي

وهو طبق رائع وخفيف ويقدم عادة بالعزايم

السلام عليكم
إن شالله تكونو بخير
*
*
*
عملت بحث عن الامطبخ السوري لاني بدي اجربو في رمضان إن شالله
و عجبني الاوزي بس لقيت العجينة سبرينغ رول او عجينة مورقة
و احنا ما عنا سبرينغ رول
بدي منكم بليييييييييز تعطونا طريقة عمل العجينة

وعليك السلام ورحمة الله

بارك الله في الأخوات لي أفادوك ، ولكنني بصراحة رديت عليك لأصحح خطأ كتابي

قد نستوهنه ولكنه عند الله عظيم

إن شاء الله ، وقد كررتها مرتين ،…. والا سوف يتغير المعنى بالكامل والعياذ بالله

أتمنى أن تكوني فهمتي قصدي

بوركت يا أختي ونلت مآ طلبت (: