اخواتي الغا ليات انا احب منتداكم هذا والله استفدت منه في أشياء كثيره
وأسا ل الله العلي القدير أن يبا رك لكم في جهودكم وان يجعل اعما لكم
الخيرة في ميزان حسنا تكم
واطلبكم طلب الله يوفقكم للخير للي تعرف طريقة العجة المصريه يا ريت تكتبها
وتنزلها با الصور علشان الكل يستفيد .وانا كلي امل با الله أولا ثم في الأخوات
الحبيبات ثا نيا وانتظر ردكم ودمتم بحفظ الله
بانتظار رد الاخوات المصريات
السلام عليكم
بصى يا ستى مسأله الصور صعبه شويه بس انا هقوللك الطريقه زى ما انا بعملها
هتجيبى بصل حوالى 5 او 6 بصلات كده يعنى المهم كميه البصل هتكون كبيره ونحط زيت ونقلب لحد ما البصل يدبل (نسيت اقولك البصل يكون متخرط يعنى مش بالمبشره ) وبعدين نضيف الطماطم والفلفل الاخضر ونتركها حتى تتسبك وبعدين نحط البقدونس وبس خلاص
تأخدى جزء من الخلطه دى يعنى قولى من معلقه الى معلقتين وتحطى عليهم بيضه (طبعا الكلام ده بعد ما تبرد الخلطه)وتحطى رشه كربونات الصودا وتحطيهم فى طاسه و تحطى شويه زين صغيرين و تسويها زى البان كيك كده يعنى على الوجهين وممكن تتحط فى الفرن بس انا بفضلها على النار من فوق
يعنى ده اللى بعمله ونشوف برضه رأى الخبيرات..ارجو اكون افدتك
على فكره ممكن تعملى الخلطه بتاعتها وتشليها فى التلاجه ووقت ما تكونى عايزه تعمليها يادوب تطلعيها وتحطى البيض عليها
طريقه الاخت روكا مظبوضه وانا قريبا حا ننزل طريقه عجه القرنبيط بلطريقه المصريه طعمها رووووووووووووعه انتظرينى
السلام عليكم ورحمة الله وبركاته
بصى يا اختى انا هقولك على طريقتى انا بجيب حوالى 5 او 6 بصلات واقطعهم بالسكينه مكعبات صغيره واضعهم فى حله مع شوية زيت واحمرهم يعنى يبقى البصل اغمق من الذهبى شويه وبعدين اضيف الخضره المقطعه (حزمة بقدونس و حزمة كسبره ) و حبايه فلفل حامى وحبايه رومى مقطعين مكعبات واستمر فى التقليب دقيقتين على نار هاديه ثم اصفى الزيت اللى فيها فى صينيه فرن صغيره واركنها على جنب واضيف للخضره 2 ملعقه طعام دقيق واقلبها مع الخضره على النار حوالى دقيقه ثم اشيلما من على النار واكون ضاربه 7 او 8 بيضات فى طبق مع ملح و فلفل وشطه و كمون وشويه بهارات وملعقه صغيره كربونات ثم اضيفها على الخضره واقلبهم لحد متندمج المكونات مع بعض ثم اضع صينيه الفرن اللى فيها الزيت على النار واسخنه ثم اضع الخليط السابق عليها واساوى سطحها بملعقه واكون فاتحه الفرن قبلها بعشرق دقائق ثم اضعها فى الفرن على درجة حراره متوسطه حوالر ربع ساعه لما جنابها تتحمر اطلعها واقطعها مثلثات ثم اضعها مره اخرى تحت الشوايه الى ان يحمر وجهها وتقدم وتكليها بالف هنا
هى دى طريقتى معلش رغيت كتير بس انا حبيت اوضحلك بالتفصيل يا رب اكون افدتك
اسفه انا كتبت فى الخضره كسبره بس هى المفروض شبت وانا اسفه على اللخبطه دى
المكونات
2بيضة+بصلة كبيرة مفرومة+ملعقة دقيق+ملعقة زيت+3:4 ملاعق بقدونس مفروم+فلفلة خضرا مقطعة+2 فص ثوم+4 زيتونات مقطعة+ربع كوب ماء+طماطماية مقطعة)
بس انا نسيت احط الفلفل والثوم فى الصور
احتراما ليهم صورتهم بعد ما حطينا الزيت والبصل على النار ودبل البصل
حطيت الفلفل والثوم ونقلب شوية كدة
وبعدين نحط الزيتون والطماطم ونقلب شوية
وبعدين نحط البقدونس ونقلب ويبقى الشكل كدة ومتنسيش تحطى الملح والفلفل الاسود
[/CENTER]
نستنى لما الخليط يبرد
وندوب الدقيق فى ربع كوب الماء ونحطه عليه ونقلب كويس ونضرب البيض ونحطه اخر شئ ونصبه فى وعاء الخبز بالشكل ده
ولاحظى ان لو وعاء الخبز عادى مش تيفال من الافضل تبطنيه بالزيت والدقيق زى انا ما عملت
وتحطيه فى الفرن بعد تمام السوى يكون بالشكل ده
ممكن تقدميها مع الخبز واى خضروات زى الخس والجرجير وبالهنا والشفا
منقوووووووووووووووووووول
انا بعمل عجة البطاطس
ان شاء الله هنزلها قريب
بصى يا ستى انا طريقتى مختلفة شوية بس ابسط كتير وطعمها بصراحة بيبقى لذيذ جدا
لكمية 4 بيضات بأستعمل بصلة صغيرة مبشورة ومع شوية زيت على النار لغاية اما تصفر وبعدين نحط عليها ملعقة كبيرة صلصة جاهزة (معجون طماطم) ونقلبها ونرفعها من على النار ونضيف شوية كسبرة خضرة مقطعة ونقلب
نضرب البيض ونضيف ملح وفلفل ونضيف الخلطة السابقة ونضرب وشوية زيت فى الطاسة ونسويها على النار زى الاومليت وبس
السلام عليكم
3بيضات+3-4ملاعق صغيرة حليب
كتبت بواسطة بنت طرابلس 
