..
بسم الله الرحمن الرحيم
السلام عليكم ورحمة الله وبركاته ..
، ‘
فائدة ..
عَنْ أَبِي هُرَيْرَةَ رضي الله عنه ، قَالَ: قَالَ رَسُولُ اللَّهِ صلى الله عليه وسلم :
" أَفْضَلُ الصِّيَامِ، بَعْدَ رَمَضَانَ، شَهْرُ اللَّهِ الْمُحَرَّمُ. وَأَفْضَلُ الصََّلاةِ، بَعْدَ الْفَرِيضَةِ، صََلاةُ اللَّيْلِ ". صحيح مسلم
، ‘
مساء / صباح السعادة والفرح لقلوبكم جميعاً ..
اطلعت على موضوع الغطس ومع إني ما بعرف أغطس لكن قلت بلاش كسل ياغزولة
قاومي الموج وغوصي لعيون آل المطبخ حبيبات قلبي ..
وكنت ناوية أنزل كذا موضوع عندكم بالركن لكن هالموضوع اختصر علي المسافة ورحم ركنكم من الزحمة اللي حسببها لكم
ندخل في الموضوع دوغري << وينك يا لبنان
الـ dipping sauce وما أدراكم ما صلصات التغميس
الديبينق بيعني لي الكثير أحوب أشوفه على السفرة حت لو مآكل منّه يكفيني قربه << كف
لذلك قررت أكمل معركة التحدي مع الورد في الأكمام وأجيب لكم شيء بسيط لعلّه يرقى إلى ذائقتكم ..
كمومة استعدي ..
نبدأ على بركة الله .. ولا قوّة إلا بالله ..
،‘
الصوص الأبيض ..
زبادي
حبة بطاطس مسلوقة
ملعقة كبيرة طحينة سائلة
ملعقة كبيرة عصير ليمون
ربع ملعقة صغيرة خلّ
رشة ملح
2 فص ثوم
نخلطها جميعها بالخلاط وإذا كانت ثقيلة نزيد عليها لبن حتى نوصل للقوام المطلوب
،‘
الصوص الأورنج ..
ملعقة صغيرة خردل
ملعقة كبيرة عصير ليمون
ملعقة صغيرة مايونيز بالثوم
ملعقتين من الصوص الفرنسي << راح أضيف صورته إن شاء الله
ملعقة زبادي أو ملعقتين لبن
<< ما يحتاج ملح ولا أي إضافات لأنه غني بالنكهة ..
،‘
الصوص الأول ..
زبادي
ملعقة كبيرة لبنه
ملعقة صغيرة مايونيز
ملعقة صغيرة شطة سومطرة << وإذا تبغيها سبايسي زيدي الشطة ..
،‘
هالديب أعشقه مع الأكل الهندي ..
عبارة عن :
ربع حزمة كزبرة خضراء
ربع حزمة نعناع
3 حبات فلفل أخضر حارّ
3 ملاعق كبيرة عصير ليمون
ملعقة ونص خل
رشة ملح
علبة زبادي
نخلطهم في الخلاط ونقدمهم مع الخبز الهندي كمقبلات ..
،‘
هالديب سهل وسريع مع الشيبس أو الخضار ..
زبادي
ملعقة مايونيز
ملعقة جبن سائل
ملعقة عصير ليمون
رشة ملح
شوية ثوم بودرة
ونرش ع الوجه أوريقانو ..
،‘
زبادي
ملعقة طحينة سائلة
رشة ملح
ربع ملعقة صغيرة خل
ملعقة عصير ليمون
تخلط جميعاً ونحط ع الوجه نعناع جاف ..
،‘
عفواً ماعندي صورة للديب لوحده ..
سهل ولذيذ ..
مقدار من صلصة ثاوزند آيلاند << راح أضيف صورة هالصوص في الأخير إن شاء الله
نضيف له ملعقتين زبادي ..
واستمتعوا بالطعم ..
،‘
علبة لبنة صغيرة
ملعقة كبيرة مايونيز
ملعقة كبيرة عصير ليمون
ملعقة صغيرة من صلصة البيتزا راح تعطية نكهة مميزة
،‘
الصوص اللي أعشقه مع السمبوسة والسبرينج رول ..
نحط في الخلاط
حبتين طماطم
فص ثوم
حبة فلفل رومي + فلفل حار
حبة بصل متوسطة
نخلطهم وبعدين نحطهم على النار ونضيف لهم ملح وفلفل أسود وكمون ونتركهم يتسبكوا لكن مو كثير
وبعد ما نشيلها نضيف لها
عصير ليمونه + شوية أوريقانو + رشة بابريكا + صويا معتدلة
وشوية زيت زيتون
ملعقة خل البلسميك ..
نتركهم يبردوا وبعدها استمتعوا بالتغميس
وهذي السمبوسة رفيقة هالصوص المُتعِب ..
،‘
زبادي
ملعقة مايونيز
ملعقة جبن سائل
ملعقتين كاتشب
نص ملعقة صغيرة خردل
مخلل خيار مقطع صغير جدّاً
ثوم بودرة
رشة ملح + فلفل أسود
وع الوجه أوريقانو ..
،‘
كميّة من صلصة الرانش
زبادي
فلفل أبيض
واللي ع الوجه رشة بابريكا حصل لها حادث شنيع وتشوهت *
،‘
هذا يسمونه أهل الكويت دقّوس >> لبى قلبك يا قنّومة
ما أتخيل آكل ساندوتش جبن بدون ما يكون حاضر
والغالي بيحب يآكله مع الرز << وهو أساساً رفيق الرز لكن غزولة مزاجها غير ..!
طريقته ..
في قدر على النار
بصل + طماطم + ثوم + فلفل حار << بالكميات اللي تعجبكم
نضيف عليها حبة ماجي + ملعقتين صويا معتدلة
نتركها تتسبك شوية ونشيلها من النار ونخلطها ونرجعها ثاني في القدر ونضيف عليها زيت زيتون بالكمية المرغوبة
ونضيف البهارات وهي عبارة عن
( كمون + ثوم بودرة + فلفل أسود + كزبرة ناشفة مطحونة + شوية كاري )
ونكون مقطعين قطع صغيرة
حبتين فلفل رومي + حبة ليمون بقشرها
نرجع الدقوس على النار ونضيف له الفلفل الرومي ونحركة لمدة دقيقتين
نشيله ونتركة يبرد بعدين نضيف له الليمون المقطع ونقدمة وطعمه ولا أروع ..
أضفت عليه بهارات الماسالا الهندية مقدار ملعقتين صغيرة وأعطته النكهة الهندية اللذيذة ، حبيتها واعتمدتها ..
،‘
يتبع ..
..