من اي بلد انتِ ؟
القاهرة – مصر
هل انتِ خريجة .. ماهو تخصصكِ الدراسي ؟
خريجة جامعية نعم – هندسة الإلكترونيات والإتصالات جامعة القاهرة
هل انتِ متزوجة ؟هل لديكِ أولاد ؟
نعم ولى من الأولاد ٣ ذكور
في أي بلد انت مغتربة ؟
أمريكا
كم هي مدّة اغترابك ؟
٥ سنوات
اغترابك كان لزواج او دراسة أو عمل ؟
عمل زوجى
ماهي مشاعرك للعيش في بلاد الغربة وماهي الصعوبات التي واجهتك ؟
مشاعرى طبعا صدمة ثم إنكار ثم تعودت على الغربة وخلاص .. أكثر شئ بيتعبنى نفسيا هو بعدى عن أهلى بالذات لما يكون حد تعبان أبقى هأموت من القلق والشيطان يلعب براسى الكورة
موقف ظريف حصل معاك في الغربة ؟
أخذت إبنى للطبيب بالمستشفى التخصصى للحساسية ويومها كان أول يوم بعيد الأضحى والراجل كان طبيب غير مسلم وقال لنا أنا عارف إن اليوم عيد لكم ومبروك وعيد سعيد أصل أنا مراتى مسلمة وقررنا تنشئة الأولاد على الدين الإسلامى وكنت مبسوطة جدا من كلامه وسعيدة فعلا وفرحانة ,, ولما خرجنا عبرت عن سعادتى وبأتكلم مع زوجى … بص لى وقال لى إنتى مش هنا خالص !!!! إزاى يكون مسيحى وزوجته مسلمة وبيربوا الأولاد على الدين الإسلامى … يا صلاة النبى … إنتبهت وكأنى فعلا ما كنتش واخدة بالى أنا إفتكرت كأنها العكس ههههه بس ضحكت على نفسى وقلت فعلا أمريكا دى بلد العجايب صحيح
أكثر شيء يزعجك بالغربة ؟
تهاون الكثير من المسلمين للأسف فى دينهم … فى أشياء قد يعتقدها البعض صغيرة ولكنها تهاون فى الدين
ماذا تفعلين الآن ؟ يعني تدرسي ، تعملي ، ربة منزل ؟
ربة منزل
ماهي مميزات وعيوب الغربة ؟
العيوب : عدم الإحساس بالبهجة فى رمضان والأعياد وخلافه .. وهنا الجالية المسلمة كسلانة شوية أو يمكن أنا اللى إختلاطى بالناس قليل … مش بأخرج كتير ولا بأتعرف على ناس كتير فى حالى يعنى
المميزات : الغربة علمتنى الإعتماد على نفسى بشكل كبير … قربتنى من زوجى وأولادى تحسى إننا كيان واحد مالناش غير بعض .. أعتقد الترابط أكبر فى الغربة
كيف ترين نظرة الغرب للعرب والمسلمين خاصة ؟
والله الناس هنا بالولاية محترمينن ممكن تلاقى ناس مستغربة من شكلك لكن مش متاففة ودايما مبتسمينن بوجهك وقليل اللى بينظر لك نظرة سيئة … لكنة أرثى لحال الإسلام .. هناك العديد من المسلمين يشوهون صورة الإسلام عن جهل بالتصرفات غير اللائقة والمظهر الغير لائق .. الله يهدينا جميعا
هل راودتك لحظة ندم على قرار السفر وكيف استطعت التغلب على مشاعر الغربة ؟
كتييييييييييييييير بالذات فى الأول … إحنا إيه اللى جابنا هنا ؟؟؟ سؤال كان لا يفارقنى ..التعود على العيشة هنـــا أو ربنا بقى بيصبرنا ويحلى لنا العيشة هنا … ودايما زوجى يقول لى إحنا هنا لسبب بس لسه مش عارفينه … عنده يقين إننا هنا لسبب ما ربنا مخطط لنا شئ جميل إن شاء الله وأتمنى إنه يكون الدعوة لدين الله
عبّري عن حالتك الآن وانت تردّي على الأسئلة بجملة أو سمايل ؟
سؤال أخير ، ما رأيك في ملتقى المغتربات ؟
رائع رئع رائع فعلا تعرفت فيه بأحلى وأجمل الغوالى
وخدى عندك أكبر وأحلى سمايلى لشهدودة الحبوبة