الوسم: المطابخ

الارز بالكارى والدجاج والخضروات .. دا اختراع منى لابنى لانه مش بياكل الخضار
لكن المفاجأة انه طلع حلو كمان للكبار

المقادير : بصلة مقطعة صغير جدا "مش مفرومة "
كوسة واحدة + جزرة + فلفلة نص احمر ونص اخضر كلهم مع بعض مقطعين فى الكبة صغير جدا
ملعقتين زيت زيتون او كانولا
قطعتين صدور فراخ مقطعين مكعبات
ارز بسمتى "كوب ونصف او حسب نوع الارز"
التوابل " ملعقة كبيرة كارى – ملعقة صغيرة من كل من .. ملح , كزبرة ناشفة , جنزبيل , قرفة مطحونة + رشة خفيفة جدا فلفل احمر مطحون (شطة) او حسب الرغبة

الطريقة : نشوح البصلة فى الزيت لمدة دقيقة فقط "غير مطلوب ان تأخذ لون ذهبى"
نضيف باقى الخضروات ونقلب , ثم الدجاج المكعبات ونقلب حتى يتغير لون الدجاج

نضيف كل التوابل مع بعض ثم نضيف ماء
الماء = ماء الارز + نصف كوب اضافى

نغطى الحلة ونستنى لحد الماء يغلى
ثم نضيف الارز المغسول ونسويه بالطريقة العادية

تطبيقى لكفتة الغالية وعود الخير

الوصفة الاصلية موجودة على هذا الرابط
أقراص الكفتة الحــارة لملف اللحمة 100 وصفة ووصفة

الحقيقة احنا كنا بنعملها فى بيتنا لكن غير حارة كمان كنا بنضيف بيضة + نصف كوب بقسماط مطحون عليها
اما هذه المرة جربتها كما معلمتى الفاضلة كاتبة وصفتها تمام

خطوة مهمة جدا هى خطوة التبريد بالفريزر لانها تمنع تفككها وقت القلى
وهى على ورق النشاف هنا

واخيرا الطبق كامل كله على بعضه

نصيحة .. ماتزودوش الشطة اوى ههههههه
كما حاجة مهمة جدا ان تكون اللحمة مفرومة نااااااااااعم .. يعنى ممكن تفرميها فى الكبة عندك مع البصل زيى كده