السلام عليكم يا احلى اخوات و احباء ان شاء الله تكونوا بخير؟؟؟
حبيباتي انا عندي مشكلة زغنونة وهي انه زوجي الحبيب انتقل من عمله واصبح عمله ساعات اطول يعني بدل ماكان يروح على البيت الساعة 2 او 3 اصبح الان يرجع على البيت الساعة 7 او 8 ومرات 9 وطبعا انا شفقانة عليه كثير لانه بضطر ياكل اكل ناشف وما بياكل طبيخ عادي زينا على اساس انه الوقت متاخر وعشان هيك حبيت اطلب منكم المساعدة بروابط او اقتراحات لاكل صحي وسريع للوقت المتاخر وبالذات انا يادوب في المطبخ ومش صحبة بالمرة عشان هيك اللي بتقدر تساعدني يااهل الكرم والجود على وجبات صحية لهذا الوقت المتاخر اللي اصير اجهزها لزوجي الحبيب وبهيك بكون اخذ الفايدة من الاكل لانه ما بياكل حتى في الشغل مزبوط يعني كله حشو بطن بس وكمان لما يرجع للبيت بكون انهد حيله ولازم يعوض كل اللي خسره .. مزبوط حبيباتي ؟؟؟؟
شو رايكم بالموضوع ؟ ومين بتقدر تساعدني ؟
وبارك الله فيكم وجزاكم الله كل الخير
اختكم نسمة شوق
معلشي انا خبرتي قليلة بها الموضيع بس حبييت اساعدك
في كثير من الاطباق ممكن تعمليها ولكن حاولي ما تكون مقالي
اي لا تستخدمي الزيت للقلي كتير
ممكن تعملي صواني دجاج بالفرن مع بطاطا بوريه او ماش بطاطا
او ستيك بالصلصه البيضاء مع ارز
شي خفيف ينفع لليل ولازم السلطه ما تنسيها
وصحه وهنا يا رب على قلبكم
اشكركم اخواتي الكريمات على المساعدة وفعلا ساتابع موقع ريشل راي كذلك فاني تابعت موقع فتافتيت جميل جدا جدا وبه وصفات سريعة وقليلة السعرات الحرارية انصحكم بزيارته يا امامير
اشكرك اختي رندوشة على الكلام الجميل ولكني ان لم اعتني بصحة زوجي فكيف اوديه حقه من متابعته لي دائما وابدا
جزاكم الله كل الخير اخواتي الكريمات
اختكم نسمة شوق